Færsluflokkur: Bloggar

Aftur á centralið

Færði mig aftur á centralið, allavega í bili. Tjái mig kannski um einhverjar moggafréttir hérna. Sjáum til.

Miklar breytingar

Já, komið þið sæl og blessuð. :) Það eru heldur betur breytingar framundan hjá mér. Ég er hætt sem framkvæmdarstjóri Vaðals ehf., og lítur ekki út fyrir að ég starfi mikið þar í nánustu framtíð. Þetta er þó alls ekki komið allt á hreint ennþá en það hlýtur að gerast fljótlega. Selás 18 bara selst ekki, einhverja hluta vegna þannig að ég hef sett íbúðina mína á sölu. Ekki að ég get selt hana svona 1,2 og 3 en auðvitað vonar maður það besta. En þar sem allar þessar breytingar eru yfirvofandi þá er ég bara eiginlega alveg ákveðin í því að skella mér í skóla aftur. Ég átti alltaf eftir að klára BSinn og það er auðvitað ekkert vit í öðru en að taka masterinn þá strax í kjölfarið. Ég er að kynna mér Háskólann á Akureyri og er bara eins og er komin með aðra löppina þangað :).  Hvað finnst fólki svona almennt um þetta?? :) Ég bara nenni alls ekki að flytja til Reykjavíkur, Bifröst er bara svo helvíti dýr skóli og Akureyri er bara í 3 klst akstri frá Egilsstöðum. Það er bara eitthvað svo fáránlegt að gera þetta ekki núna, þar sem maður er pínu lítið lausari við. En þetta er ekkert pottþétt, bara pælingar fram og til baka. En segið endilega hvað ykkur finnst, þ.e ef þið eruð ennþá að líta inn á síðuna mína... Var bara að spá í hvort ég ætti ekki bara að flytja mig aftur yfir á centralið. Ég er svo vanaföst að það er ekki fyndið, finnst eins og ég sé að halda framhjá síðunni minni með því að blogga hérna.

Loksins, loksins

Þetta voru góðar fréttir, ég segi nú ekki annað. Nú getur maður loksins farið á djammið á Egilsstöðum. Það er eins gott fyrir íbúa á Fljótsdalshéraði að standa sig í stykkinu og mæta út á lífið þegar eitthvað verður um að vera Smile
mbl.is Fljótsdalshérað tekur hluta Valaskjálfar á leigu
Tilkynna um óviðeigandi tengingu við frétt

Clinton allavega inni sem varaforseti

Ég get ekki neitað því að ég held með Hillary Clinton í þessu forvali og ég viðurkenni að stór ástæða fyrir því er sú að hún er kona. Hún er auðvitað afar frambærileg kona! En Obama er frábær og Bandaríska þjóðin yrði að mínu mati afar heppin ef hún fengi hann sem forseta. Hvernig sem fer hjá þeim þá vona ég svo sannarlega að hitt sem tapar verði útnefnt sem varaforsetaefni. Þetta verða spennandi kosningar í nóvember, sama hvort þeirra verður útnefnt.
mbl.is Vöngum velt yfir ummælum Clinton í kappræðum
Tilkynna um óviðeigandi tengingu við frétt

Splunku nýjir einstaklingar komnir og eru á leiðinni

Ég fékk loksins sms frá Siggu Rósu seint í gærkvöldi þar sem hún tilkynnti mér að hún væri búin að fæða dóttur í þennan heim. Skrítið þar sem við Sigga Rósa erum nú ekki í daglegum samskiptum að þá var ég svo ótrúlega mikið með hugan hjá henni í gær og var eiginlega farin að hafa áhyggjur af því hvað leið langur tími á milli frétta. En barnið sem sagt fæddist kl. 22.30 í gær, 15 merkur og held ég 54 cm.

Svo núna bíð ég eftir skilaboðum frá Steinuni vinkonu en hún var sett 17. febrúar. Ég er orðin mjög spennt að heyra hvort kynið kemur þar því þau eiga 2 stráka fyrir.

Meira síðar...


Nýtt blogg

Ég ákvað eftir nokkra umhugsun að fá mér nýtt blogg, er drullu illa við það þar sem maður er nú búin að skrifa margt og mikið (flest reyndar nauða ómerkilegt) síðustu ár á centralið. En það er ágætt að breyta til, er hvort sem er að reyna að breyta öllu mínu lífi. :) Verð dugleg næstu daga og vikur, lofa því....

Höfundur

Fjóla Margrét Hrafnkelsdóttir
Fjóla Margrét Hrafnkelsdóttir

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband